بلوچستان ءِ دمگ کیچ ءَ پاکستانی لشکر ءَ ورنایے آوار جتگ ۔
بیگواھیں مردم ءِ پجار یاسر ء ناصر ءِ نام ءَ بیتگ کہ سئے شمبے ءُ چار شمبے ءِ میانجی ءِ شپ ءَ تھسیل مند ءِ گوک ءَ بیڑ ءِ وھد ءَ پاکستانی لشکر ءَ دزگیر کتگ۔
لھتیں وھد اِنت کہ بلوچستان ءَ زورانسری ءَ گار ءُ بیگواہ ءِ درچ رودومے جوڑ بوتگ۔ انسانی ھکانی گلانی رِد ءَ بلوچستان ءَ درجناں مردم جتاجتائیں وھداں فورسز ءِ دست ءَ دزگیر کنگ ءَ پد بیگواہ کنگ بیتگ اَنت۔
انسانی ھکانی گلاں باز رند ءَ لوٹ کتگ کہ بیگواھیں مردم زوت دیم ءَ آرگ بہ بنت یا اگاں آھانی سر ءَ جرمے ھست گڑا کانود ءِ رد ءَ آمیدگس ءَ پیش کنگ بہ بنت۔