پاکستانی پوج ءِ دست ءَ زورانسری آوار جنی ءِ نشانگ بیتگیں ڈاکٹر ءُ شائر ءَ ھوار سے مردم یل کنگ بیتگ اَنت-
چہ شال ءَ زورانسری بیگواہ راشد علی بلوچ گوستگیں شپ ءَ یل بیتگ ءُ لوگ ءَ سر بیتگ-
ڈاکٹر راشد علی بلوچ ء برکت یک یورولوجسٹ سرجنے کہ نُھ دسمبر ءَ سی ٹی ڈی ءُ چیریں ادارھانی کارندھاں چہ شال ءَ زورانسری آوار جنی ءِ نشانگ کتگ اَنت چریشی ءَ پد آ بیگواہ ءَ اِنت-
بلوچ یکجھتی کمیٹی ءَ آیانی یل بیگ گپ راست کتگ-
زورانسری بیگواہ عطااللہ ءُ شاہ زیب ھم یل بیتگ ءُ وتی لوگ ءَ سر بیتگ اَنت-
عطا اللہ ء قادر بخش پاکستانی پوج ءَ نُھ نومبر ءَ چہ مستونگ ءَ وھدے کہ شاہ زیب ء صمد بیست چار نومبر ءَ چہ کلری لیاری، کراچی ءَ آوار جنی ءِ نشانگ کنگ بیتگ اَنت-