بلوچستان ءِ بنجاھی شھر شال ءَ اُرش ءَ پاکستانی فوج ءِ گاڑی نشانگ جوڑ کنگ بوتگ اَنت ۔
شال ءِ شھر ءَ ھواریں دمگ ڈغاری کراس ءَ پاکستانی لشکر ءِ گاڑی وتی پوسٹ ءِ روگ ءِ وھد ءَ ناشناسیں مردماں نشانگ جوڑ کتگ ۔
ھالانی رد ءَ سلاہ بندیں مردماں دو گاڑیانی سر بستگ ءُ راکٹ ءُ دگہ سلاھاں گوں آھانی سر ءَ اُرش کتگ ءُ دوئیں گاڑیاں بازیں کساسے ءَ تاوان رس اتگ انت-
واکداراں انگت ءَ اے اُرش ءِ آسر ءَ جانی ءُ مالی تاوان ءِ بابت ءَ ھچ وڑیں ھال ءُ اھوال نہ داتگ۔
زانگ بہ بیت بلوچستان ءِ جتا جتائیں دمگاں پاکستانی لشکر بلوچستان ءِ آجوئی ءِ واستا جد ءُ جھد کنوکیں سلاہ بندیں گلانی نیمگ ءَ اُرشانی نشانگ کنگ بیگ ءَ انت کہ اود ءَ لشکر ءَ تاوانانی دیمپانی کنگ کپگ انت-