بلوچستان ءِ دمگ ھزدار ءِ ھند چہ وڈھ ءَ آوار جنگ بوتگیں مردم ءِ ھلاپ ءَ کھول ءُ دمگی مردمانی زھرشانی ءِ سبب ءَ گوستگیں ھپت کلاکاں شال ءُ کراچی ءِ شھدگ پہ ھر وڑیں ٹرانسپورٹ ءَ سرجم ءَ بند کنگ بوتگ کہ ایشی ءَ چہ دمگ ءِ ٹرانسپورٹ سکا سانمند بوتگ انت۔
وڈھ ءِ نندوکیں عبدالباری ء عبدالحالق چہ ھزدار ءِ دمگ ءَ ناشناسیں مردماں آوار جتگ ۔ اے وئیل ءِ ھلاپ ءَ ھاندان ءُ دمگی مردماں یونیورسٹی کراس ءِ شھدگ بند کتگ۔
شھدگ ءِ بند بوھگ ءِ سبب ءَ دوئیں نیمگاں گاڑیانی دراجیں کتار لگ اتگ انت۔ پولیس ءِ واکدارانی گشگ اِنت کہ زھرشانی کنوکاں گوں گپ ءُ تران بوھگ ءَ اِنت ءُ جاور ھال ءِ نارمل کنگ ءِ کوشست کنگ بوھگ ءَ اَنت۔