پولیس ءَ کراچی پریس کلب ءَ زالبولیں اھوالکار زھرشانی ءِ کوریج دیگ ءِ وھد ءَ دزگیر کتگ-
ھالانی رد ءَ سندھ پولیس ءَ 27 آئین ءِ ترمیم ءِ ھلاپ ءَ زھرشانی ءِ کوریج ءِ ھاتر ءَ کراچی ءَ ھستیں اھوالکار دزگیر کتگ ءُ ناشناسیں جاھے ءَ برتگ۔
انسانی ھکانی کارکن ءُ وکیل جبران ناصیر ءَ اے درگت ءَ گْوشتگ کہ اھوالکار الفیہ سھیل کہ مرچی بیگاہ ءِ چار ءُ پنچ ءِ نیام ءَ بیست ءُ ھپتمی ترمیم ءِ ھلاپ ءَ زھرشانی ءِ کوریج ءِ واستا کراچی پریس کلب ءَ ھوار بوتگ ات، لھتے وھد ءَ پد دزگیر کنگ بوتگ چوش کہ بیگاہ ءِ 5:25 ءَ پد سر بیتگیں کلوھانی رد ءَ پد دزگیر کنگ بیتگ چریشی ءَ پد آئی ءِ نمبر بند انت-
جبران ناصیر ءِ گشگ ءِ رد ءَ زالبولیں اھوالکار دزگیر کنگ ءَ پد آئی ءَ گوں روھتی بند بیتگ ءُ آ ناشناسیں جاھے ءَ برگ بیتگ۔
آئی ءَ گوشتگ کہ الفیہ ءَ سول سوسائٹی ءِ زھرشانی ھاسیں رنگ ءَ بیگواھیں مردمانی کیس ءُ بلوچ یکجھتی کمیٹی ءِ سروکی ءَ کراچی ءَ زھرشانیانی سر ءَ مدام کوریج کتگ۔
آئی ءَ گوشتگ کہ سرکار اھوالکارانی آزار ءُ ازیت ءِ ھما وھد ءَ ایرجنی ءَ کنت کہ آ ایشانی بیانیہ ءِ رد ءَ بہ بیت بلے وھدے اھوالکار راستی ءَ پدر کن اَنت گڑا آھاں دزگیری ءُُ آوار جنگ ءِ تہ ءَ ھچ وڑیں جھد ءُ کوشست ءِ درشان نہ کنت۔
جبران ناصیر ءَ چہ سندھ ءِ سرکار ءَ لوٹ کتگ کہ زالبولیں اھوالکار ءَ زوت یلہ بہ کنت ءُ دیما بیار ایت ۔