بلوچستان ءِ دمگ پنجگور ءَ پجّار نہ بوتگیں سلاہ بندیں مردماں پاکستانی پوج ءِ یک بُنجلے ءِ سر ءَ اُرش کتگ-
دمگی اِھوالکار ءِ رِد ءَ اُرش پنجگور ءِ دمگ راھی نگور ءَ برجاہ بُنجل سر ءَ کتگ چریشی ءِ میان ءَ تیرگواری رِد ءَ داں دیراں تاں برجاہ بیتگ-
اِھوالکار ءِ رِد ءَ سلاہ بندیں مردماں اُرش ءِ میان ءَ پوج ءِ نیمگ ءَ چہ جتگیں کیمرہ ھم نشانگ کتگ اَنت-
دومی نیمگ ءَ بلوچستان ءِ دمگ کچھی ءَ ھم ناشناسیں مردماں ھاجی شھر پولیس تھانہ سر ءَ اُرش کتگ-
پولیس ءِ واکدار ءِ رِد ءَ اُشکاراں کارمند گپتگ اَنت سرکاری سلاہ برتگ اَنت ءُ پد تھانہ مانداشتگ-
تنی وھدے اے اُرشانی زمہ واری ھچ گل ءَ نہ زرتگ اَنت-