کیچ ءَ پولیس ءِ کارگسانی دستیگ ءُ سی پیک شھدگ ءِ ناکہ بندی ءِ زمہ واری بی ایل ایف ءَ منّ اِتگ انت

بلوچستان لبریشن فرنٹ جارکش میجر گْوھرام بلوچ ءَ رسانکدر ءَ شنگ کتگیں درشان ءِ تہ ءَ گوشتگ کہ بی ایل ایف ءِ سرمچاراں دہ نومبر 2025 بیگاہ ءَ کساس شش ءَ کیچ ءِ دمگ کیساک ءَ برجاہ پولیس ءِ دو کارگسانی سر ءَ اُرش کتگ ءُ کارندہ دزگیر کتگ اَنت- بنداتی پٹ ءُ پول ءَ پد پولیس کارندہ ھچ وڑیں تاوان دیگ ءَ بید یل داتگ اَنت، وھدے کہ دوئیں کارگسانی سرکاری ماڑی مانداشتگ اَنت ءُ اود ءَ سرکاری سلاہ وتی دستیگ کتگ اَنت-

جارکش ءَ دیمتر ءَ گوشتگ کہ سرمچاراں کساس ساھت ءَ تاں سی پیک شھدگ پہ روگ آیگ ءِ واستا بند کتگ ءُ آؤکیں ءُ رؤکیں گاڑیانی پٹ ءُ پول کتگ، بلے اے میان ءَ زورگریں پوج یا کہ چیریں ادارھانی کارندہ یا کہ دمگی چاریگ نہ بیتگ- پٹ ءُ پول ءِ سرجم کنگ ءَ پد شھدگ پچ کتگ ءُ مساپر روگ ءِ موکل داتگ اَنت-

جارکش ءَ گوشتگ کہ بلوچستان لبریشن فرنٹ کیساک ءَ پولیس تھانہ ءُ سرکاری ماڑیانی ماندارگ ءُ سی پیک شھدگ نیم ساھت ءَ تاں بند کنگ گاڑیانی پٹ ءُ پول کنگ ءِ زمہ واری ءَ منّ اِیت-