نجیب اللہ ءِ کوش بلوچستان ءَ ریاستی پلامرزی سلاہ بندیں ٹولیاں چہ برجاہ درکانودی ءُ درکانودی کوش ءِ دْرچ اِنت- بی وائی سی

بلوچ یکجھتی کمیٹی ءَ شنگ کتگیں درشان ءِ تہ ءَ گوشتگ کہ 31 سالی ئیں نجیب اللہ ء لال بخش، کہ کیچ ءِ دمگ میری کلگ ءِ جھمنند اِنت ءُ یک سرکاری وانگجاھے ءَ نائب کاسدے ءِ بستار ءَ کار کنگ ءَ بیتگ، بدبھتی ءَ سی اکتوبر 2025 ءَ ریاستی چیردستی ء کارکنوکیں سلاہ بند کہ دمگی ھساب ءَ مرگ ٹولی گوشگ بیت کہ کشتگ ءُ دور داتگ-

آئی ءَ گوشتگ کہ اے وئیل سُھب ءِ کساس 7:15 ءَ میری لنک دگ نزیک ءَ، مھران شاپ ءِ نزیک ءَ بیتگ وھدے اسپیت رنگیں ٹویوٹا کرولا ءَ سوار اُرشکاراں نجیب اللہ سر ءَ تیرگواری کتگ-

آئی ءَ گوشتگ نجیب اللہ کوش بلوچستان ءَ ریاستی پلامرزی سلاہ بندیں ٹولیانی دست ءَ برجاہ درکانودی ءُ درکانودی کوش ءِ اُرشانی درچ ءَ پدر کنت- اے وڑیں وئیلاں دمگ ءِ لَس شھریانی تُرس ءِ ماھول ءَ ودی کنت ءُ جُھلیں نپسّیاتی ءُ جزباتی سدمہ ءَ سر کتگ اَنت-

درشان ءِ تہ ءَ گوشگ بیتگ کہ بلوچستان ءَ انسانی ھکانی ھلاپ ورزی برجاہ ءَ اِنت ءُ زوت میان اُستمانی ءُ راجی ھساب ءَ دلگوش گور الّمی اِنت-