بلوچ لبریشن آرمی ءِ جارکش جیئند بلوچ ءَ رسانکدر ءَ شنگ کتگیں درشان ءِ تہ ءَ گْوشتگ کہ بی ایل اے ءِ سرمچاراں سئے روچانی تہ ءَ کلات ءِ شیکڑی، مورگند، مکائی، ھیسار ءِ دمگاں زورگریں لشکر نشانگ جوڑ کتگ ءُ زورگریں لشکر ءِ کمانڈواں ھوار ھبدی کارندہ کشتگ اَنت۔ سرمچاراں زورگریں لشکر ءِ توپک دستیگ کتگ ءُ مڈی بروک تباہ کتگ انت-
آئی ءَ گْوشتگ بلوچ لبریشن آرمی ءِ سرمچاراں پشمبے روچ ءَ مکئی ءِ دمگ ءَ زورگریں پاکستانی پوج ءِ پندی کارندھانی سر ءَ ھما وھد ءَ سنگر گپتگ ءُ اُرش کتگ انت کہ وتی پوسٹ ءَ مڈی سر کنگ ءَ بیتگ انت-
جارکش ءَ گوشت کہ ھمے وڑ سرمچارانی دگہ یک ٹولی ءَ گراپ ءِ ھند ءَ زورگریں پاکستانی لشکر ءِ پوسٹ ءُ مڈی بروک نشانگ جوڑ کتگ انت ایشی ءِ سبب ءَ جانی تاوان ءُ مالی تاوانانی کنگ کپتگے ۔
آئی ءَ گوشت کہ بی ایل اے سرمچاراں آدینگ ءِ سھب ءِ پنچ بج ءَ شیکڑی، مورگند ءِ ھند ءَ زورگریں پاکستانی لشکر ءِ پیادگیں اُرد نشانگ جوڑ کتگ اَنت۔ سرمچاراں زورگریں لشکر ءِ گاڑیانی سر بستگ ءُ اُرش کتگ انت ءُ اُرش ءَ آ نشانگ جوڑ کتگ اَنت چریشی ءَ زورگریں لشکر ءَ گیش تاوانانی دیمپانی کنگ کپتگ-
جارکش ءَ گشتگ کہ زورگریں لشکر ءِ شاہ مردان کیمپ ءَ دیم ءَ جنزوکیں ہوجی ھم نشانگ جوڑ کتگ انت۔ سرمچاراں اُرش ءَ کشگ بیتگیں کارندھانی سلاہ ھم دستیگ کتگ اَنت ءُ ادا دراجیں جنگے بندات بوتگ کہ بازیں کلاکاں برجاہ بوتگ۔
آئی ءَ گْوشتگ اے میان ءَ جوھان ءُ شاہ مردان ءِ میان ءَ ھیسار ءَ بلوچ لبریشن آرمی ءِ دگہ یک ٹولی ءَ زورگریں پاکستانی لشکر ءِ سئے گاڑیانی سر بستگ ءُ نشانگ جوڑ کتگ اَنت کہ اود ءَ زورگریں لشکر ءِ شش ایس ایس جی ءُ ایس او جی کمانڈو کشتگ ءُ بازینے ٹپیگ کتگ اَنت۔ سرمچاراں زورگریں فوج ءِ کمانڈوزانی سلاہ ھم دستیگ کتگ انت کہ ایشی ءِ تہ ءَ سلاہ، نائٹ وژن ءُ تھرمل اسکوپ ھم ھوار اَنت۔
جارکش ءَ گوشت کہ دو روچ ءَ جتا جتائیں جاھانی سر ءَ بوتگیں اُرشانی تہ ءَ زورگریں پاکستانی لشکر ءِ ھبدہ ءَ چہ گیش کارندہ کشتگ ءُ بازینے کتگ اَنت۔ آدینگ ءِ سھب ءَ مورگند ھند ءَ بندات بوتگیں جنگ ءُ گوپ تاں شپ ءَ برجاہ بوتگ کہ اود ءَ زورگریں لشکر ءَ گوں گن شپ ھیلی کاپٹراں کمک گون بیتگ، بلے بلوچ لبریشن آرمی ءِ سرمچاراں جتا جتائیں جاھاں ٹولی ءِ دروشم ءَ زورگیمریں لشکر ءَ گوں جنگ برجاہ داشتگ۔
آئی ءَ گْوشتگ بلوچ لبریشن آرمی اے اُرشانی زمہ واریاں من ایت ءُ دژمن ءِ سر ءَ گیش ھترناکیں اُرش کنگ ءِ جزم ءَ پدر کنت۔ مئے سلاھبندیں جنز داں ھما وھد ءَ برجاہ مان ایت داں بلوچ راج ءِ آجوئی مہ بیت ءُ زورگریں پوج ءَ ھمک میدان ءَ بے سوبی ءُ شکست ءِ دیمپانی کنگی بیت انت۔