کچھی ءَ پاکستانی پوج ءِ سر ءَ اُرش، اُرش ءِ زمہ واری بی آر اے ءَ من اتگ

بلوچستان ءِ دمگ کچھی سنی ءَ ناشناسیں مردماں پاکستانی پوج ءِ سر ءَ اُرش کتگ ءُ پوج ءِ جانی تاوانانی ھال بیتگ-

اُرش کچھی سنی میسر شاھوانی ءِ ھند ءَ بیتگ کپ اود ءَ ناشناسیں مردماں پاکستانی پوج ءِ یک کاروانے نشانگ کتگ-

دومی نیمگ ءَ بلوچ ریپبلکن آرمی ءِ جارکش سرباز بلوچ ءَ وتی شنگ کتگیں یک درشانے ءِ توک ءَ گوشتگ مئے سرمچاراں کچھی سنی ءِ ھند ءَ پاکستانی پوج ءِ سر ءَ اُرش کتگ ءُ اے اُرش ءِ زمہ واری ءَ بی آر اے من ایت-

آئی ءَ گوشتگ اے اُرش ءَ بلوچستان لبریشن فرنٹ ءِ کمک ھم گون بیتگ- آئی ءَ گوشتگ اے اُرش ءَ پنچ کارندہ کشتگ انت ءُ آیانی سلاہ ءُ دگہ ساز ءُ سامان گون وت برتگ انت-

سرکاری تکاں اے اُرش ءِ بارو ءَ انگت ءَ دگہ گپ دیم ءَ نیتکگ انت ءُ ناکہ کارندھانی مَرگ ءِ ھال –

زانگ بہ بیت بلوچستان ءَ پاکستانی پوج ءَ ھمک روچ اُرشانی دیمپانی کنگ کپگ انت کہ گوستگیں روچ ءَ کلات ءَ ھواریں ھنداں پوجی کاروانانی سر ءَ اُرش بیتگ ات کہ اود ءَ کمانڈوزاں ھوار بازیں کارندھانی مَرگ ءِ ھال واکداراں دیم ءَ آورتگ ات-