بلوچستان ءِ جتاجتائیں دمگ کیچ، پنجگور ءَ پاکستانی پوج ءُ ڈیتھ اسکواڈ کارمنداں ھشت مردم آوار جتگ ءُ بیگواہ کتگ اَنت-
گیشیں ھالانی رِد ءَ پنجگور ءِ دمگ چتکان ءَ پاکستانی پوج ءَ گوستگیں روچ ءَ ساھت سے ءَ بیڑبرتگ سے ورنا آوار جتگ ءُ بیگواہ کتگ اَنت-
آوار جنگ بوتگیں ورنایانی پجّار حمزہ ء محمد عالم ء جھمنند تسپ پنجگور، شاہ حسین ء شفی جان تسپ پنجگور ءُ زمیر احمد ء نور احمد تسپ پنجگور-
ھالانی رد ءَ پاکستانی پوج ءَ دوشی تمپ ءِ دمگ کونشکلات ءَ بیڑ برتگ دو ورنا مومن ء ماما باھڑ ءُ ھارس ء ھاجی بابو آوار جتگ ءُ بیگواہ کتگ اَنت۔
ھمے وڑ تمپ پل آباد ءَ پاکستانج پوج ءَ دو ورناہ فاروق ے سید محمد ءُ عبداللہ ء راشد آوار جتگ ءُ بیگواہ کتگ انت-
ھمے وڑ ءَ پاکستانی پوج ءُ چیریں ادارھانی چیردستی ءَ ھستیں ٹولی کہ آئی ءَ لس نام ‘ڈیتھ اسکواڈ ’ءِ کارمنداں گوستگیں روچ ءَ نیمروچ ءَ نال ءِ شھر ءَ عبدالستار ء ھاجی جان محمد اومراڑی نامیں مردمے آوار جتگ ءُ بیگواہ کتگ۔