بلوچ اسٹوڈنٹس ایکشن کمیٹی ءَ وتی شنگ کتگیں درشان ءَ گوشتگ بنجاھی مجلس سوبمندی ءَ گوں آسر بیتگ ءُ اُزیر بلوچ بنجاھی کماش ءُ پیرجان بلوچ بنجاھی مزن کارگُشاد گچین کنگ بیتگ اَنت۔
بلوچ اسٹوڈنٹس ایکشن کمیٹی ءِ چارمی بنجاھی لس مجلس “ یات ءَ عطاشاد ءُ آزات جمالدینی، نام ءَ دلیریں بلوچ زالبولانی” گوستگیں کماش شبیر بلوچ ءِ سروکی ءَ کیچ ءَ برجم دارگ بیتگ۔ مجلس ءِ دو روچی بند کمرہ دیوان ءَ جتا جتائیں بُنگپ ھوار بیتگ اَنت ءُ گُڈی بن گپ آوکیں گامگیج ءِ گچین کاری ءَ اُزیر بلوچ بنجاھی کماش ءُ پیرجان بلوچ بنجاھی مزن کارگُشاد گچین کنگ بیتگ اَنت۔
جارکش ءَ گوشتگ مجلس ءِ سوگندی دیوان باندا سرکٹ ہاؤس ھال، کیچ ءَ برجم دارگ بیت انت۔ چارُمی بنجاھی لس مجلس ءِ سرجمیں اھوال زیت رسانکدر ءَ شِنگ کنگ بنت انت۔