بلوچستان ءِ دمگ پنجگور ءَ پاکستانی لشکر ءَ یک مات ءُ جنکے دزگیر کتگ ءُ سکا لٹ شاپ کتگ انت۔
دمگی مردمانی رد ءَ پاکستانی لشکر ءَ پنچی ءِ دمگ ءَ چہ یک مات ءُ جنکے دزگیر کتگ ءُ سکا لٹ شاپ کنگ ءَ پد نادراھجاہ ءَ نیم مُرتگیں جاوراں یلہ داتگ اَنت۔ دمگی مردمانی گشگ ءِ رد ءَ پاکستانی لشکر ءَ جنک ءَ را بدکاری کتگ ءُ پد ءَ پنجگور ءِ نادراھجاہ ءَ آورتگ ۔
زانگ بہ بیت سرجمیں بلوچستان ءَ اے وڑیں وئیل پیسر ءَ ھم دیم ءَ اتکگ اَنت کہ اودا لوگانی سر ءَ چھاپہ ءِ وھد ءَ جنینانی سر ءَ زوراکی کنگ ءَ ھوار زورانسری بیگواہ کنگ ءِ کیس دیم ءَ اتکگ اَنت۔
گوستگیں ماہ ءَ زھری ءَ فوجی آپریشن ءِ وھد ءَ صفیہ بی بی نامیں جنینے زورانسری ءَ بیگواہ کنگ بوتگ کہ رند ءَ آ یلہ کنگ بوتگ۔
اے سال ءَ 23 سالی نودربر ماہ جبین بلوچ 29 مئی ءَ پاکستانی لشکر ءَ چہ وتی ھاسٹل ءَ پہ زور بیگواہ کتگ ات۔اے وئیل ءَ بس پنچ روچ پیسر آئی ءِ برات یونس بلوچ ھم بیگواہ بوتگ ات۔ یونس ءَ یل کنگ بوتگ بلے آئی ءِ گوھار ماہ جبین انگت بیگواہ اِنت۔