براھوئی زبان ءِ نامداریں شائر، نبشتہ کار ءُ ”گزل ءِ شھنشاہ“ ءِ نام ءَ زانگ بیتگیں محمد اسحاق سوز براھوئی چہ دنیا ءَ رکست بیتگ۔
آئی ءِ عمر 77 سال ات ءُ مزنیں نادراھی ءَ پد 29 اکتوبر ءَ کراچی ءِ پرائیویٹ ھسپتالے ءَ بیران بوتگ۔
محمد اسحاق سوز براھوئی ءِ سیادی گوں شیخ واسل ، مستونگ (سراوان) ءَ بوتگ ، آ 1948 ءَ ودی بوتگ ، آئی ءَ وتی شائری ءِ لڑا براہوئی زبان ءُ لبزانک ءَ را نوکیں پجار ءُ مزنیں بستارے داتگ ۔
سوز براہوئی ءِ نسپ ءَ چہ گیش شائری دپتر چاپ بوتگ کہ ایشاں براھوئی گزل ءُ نظم سر برز کتگ۔ آ براھوئی زبان ءِ ھما چندیں شائرانی تہ ءَ شمار کنگ بیت کہ آھاں زبان ءَ نہ ایوک ءَ نوکیں لبزانکی تامے بکشات بلکیں ایشی ءِ ربیدگی تب ءَ ھم زندگ داشتگ۔
لبزانکی پڑاں آئی ءِ بیرانی ءَ را براھوئی زبان ءُ لبزانک ءِ ٹوھیں تاوانے گوشگ ءَ انت-