بلوچ اسٹوڈنٹس آرگنائزیشن ءَ سندھ نیشنل اسٹوڈنٹس فیڈریشن ءِ بنجاھی سروک غنی امان چانڈیو ءِ ریاستی ادارھانی نیمگ ءَ زورانسری بیگواھی ایر جتگ-
بنجاھی جارکش ءَ گوشتگ کہ سرجمیں ڈیھ ءَ تالان بوتگیں زلم ءُ زوراکیانی ھلاپ ءَ گھگیری زرمبشتانی سبب ءَ ترس ءُ بیم ءِ آماچیں ریاستی ادارگ پرامن سیاسی باسکانی سر ءَ مدام گیر آئینی ءُ زالمیں اُرش کنگ ءَ اَنت۔ بلوچستان ءِ ھمرائی ءَ سندھ ءَ ھم جمھوری ھکانی جھد کنوکیں ایمنداریں سیاسی گل ءُ باسک مدام ریاستی زلم ءُ زوراکیانی آماچ انت-
جارکش ءَ گْوشتگ بلوچ اسٹوڈنٹس آرگنائزیشن سیاسی جھدکارانی زورانسری بیگواہ کنگ ءَ جمھوری سیاسی امل ءِ دیم ءَ اڑاند لیک ایت۔ بی ایس او اے وڑیں ناجائزیں کارانی ایرجنی ءَ کنت ءُ لوٹ کنت کہ غنی امان ءَ ھوار درستیں بیگواھیں مردم سلامتی ءَ یل کنگ بہ بنت-