بلوچستان ءِ دمگ ھزدار ءِ ھند نال ءَ سلاہ بندیں مردماں شش کلاک ءَ کنٹرول برجاہ داشتگ ءُ پولیس پوسٹ، بند ءُ ساچی کمپنی ءِ بنجل ءُ شھدگانی دستیگی ءُ بازیں گاڑی ءُ سلاہ دست کپتگ انت۔
دمگی مردمانی گْوشگ اِنت بلوچ آجوئی لوٹوکاں سی پیک ءِ شھدگ جتاجتائیں ھند ءُ دمگاں چیک پوسٹ جوڑ کنگ ءُ سنیپ چیکنگ برجاہ داشتگ۔ آجوئی لوٹوکیں مردماں پولیس ءِ یک پوسٹے ءِ بیڑ بتگ ءُ اودا پولیس ءِ سامان ءُ گاڑی برتگ انت۔
ایشانی ھوار ءَ سلاہ بندیں مردماں بازیں بوزر گاڑی سُتکگ ءُ پولیس ءِ سئے گاڑی گون وت برتگ اَنت۔ نال ءَ کلیڑی ھند ءَ جڈی بلوچ کنسٹرکشن کمپنی ءِ کیمپ ءِ سر ءَ ھم اُرش کنگ بیتگ ءُ مشینریانی ھمراھی ءَ بنجل ستکگ۔ ھمے وھد ءَ 13 مردم دزگیر کنگ بوتگ انت۔
انگت ءَ ھچ سلاہ بندیں گل ءَ اے اُرش ءِ زمہ واری نہ زرتگ بلے دمگی مردمانی گْوشگ اِنت کہ اُرش کنوک گوں بلوچ آجوئیں گلے ءَ ھمگرنچ بوتگ اَنت۔