زامران، کلات ءُ مستونگ ءَ زورگریں پاکستانی پوج ءِ سر ءَ بیتگیں اُرشانی زمہ واری بی ایل اے ءَ منّ اِتگ اَنت

بلوچ لبریشن آرمی ءِ جارکش جیئند بلوچ ءَ رسانکدر ءَ شنگ کتگیں درشان ءِ تہ ءَ گْوشتگ کہ سرمچاراں زامران ،کلات ءُ مستونگ ءَ سے جتاجتائیں کاروائیاں زورگریں پاکستانی پوج ءِ راشن نشانگ کتگ اَنت وھدے کہ شھدگانی سر ءَ ناکہ بندی کتگ-

جارکش ءَ گْوشتگ کہ بلوچ لبریشن آرمی ءِ سرمچاراں گوستگیں روچ ءَ کیچ ءِ دمگ زامران ءَ کلکی ءِ ھند سر ءَ زورگریں پاکستانی پوج ءِ پیادگ کارمند ھما وھد ءَ نشانگ کتگ اَنت وھدے آ وتی کارواناں پھازوکی دیگ ھاتر ءَ سر بیتگ اَنت، تراک ءِ آسر ءَ زورگریں پوج ءِ یک کارمندے یے جاہ پہ جاھی مرتگ-

جارکش ءَ گوشتگ کہ بلوچ لبریشن آرمی ءِ سرمچاراں گوستگیں روچ ءَ کلات ءِ دمگ منگچر ءَ شال – کراچی ءِ بُنجاھی شھدگ سر ءَ ناکہ بندی کتگ کہ دانکہ یک کلاکے ءَ چہ گیش برجاہ بیتگ، اے میان ءَ زورگریں پوج ءِ پیشگامی ءِ جُھد کتگ کہ سرمچاراں اُرش ءِ نشانگ کتگ ءُ پُشتکنز کتگ اَنت، اُرش ءَ زورگریں پوج ءِ دو کارندہ جاہ پہ جاھی مرتگ اَنت- زورگریں پوج ءَ اے میان ءَ کواڈ کاپٹر ءَ چہ بمب چگل داتگ بلے سرمچاراں اشی ءَ چہ رکّ اِتگ-

جارکش ءَ گوشتگ کہ مروچی بلوچ لبریشن آرمی ءِ سرمچاراں مستونگ ءِ دمگ اسپلنجی، مَرو ءَ گریڈ اسٹیشن ءِ نزیک ءَ ناکہ بندی برجم داشتگ، پٹ ءُ پول ءِ میان ءَ سرمچاراں یک گاڑی یے دستیگ کتگ چریشی ءَ زورگریں پوج ءِ واستا راشن ءَ ھوار منشیات برگ ءَ بیتگ-

جارکش ءَ گُڈی ءَ گوشتگ کہ بلوچ لبریشن آرمی اے کاروائیانی زمہ واری ءَ منّ اِیت-