بلوچستان ءِ دمگ نوشکی ءَ ناشناسیں سلاہ بندیں مردماں تیرگواری کتگ ءُ پولیس ءِ دو کارندہ کشتگ انت- تیرگواری ءِ ویل گریب آباد ءَ پیش اتکگ-
پولیس ءِ رد ءَ کارندہ ھمک روچی ءِ رنگ ءَ گشت ءِ سر ءَ بوتگ اَنت کہ ناشناسیں پرپٹ سواریں مردماں تیرگواری کتگ ءُ چریشی ءِ آسر ءَ دو کارندہ جاہ پہ جاہ ءَ بیران بیتگ انت-
بیران بوتگیں مردمانی پجار عبید اللہ جھمنند بٹو لانڈھی ءُ عبدالرزاق جھمنند گریب آباد ءِ ناماں زانگ بیتگ انت-
تیرگواری ءَ پد اُرش کنوک تچگ ءَ سوبین بوتگ اَنت ۔ پولیس ءِ کارندھانی گشگ انت کہ وئیل ءِ پٹ ءُ پول بندات کتگ-