بلوچستان لبریشن فرنٹ ءِ جارکش میجر گْوھرام بلوچ ءَ شنگ کتگیں درشان ءِ تہ ءَ گْوشتگ کہ مئے سرمچاراں بیست اکتوبر ءَ نیمروچ ءِ ساھت یک ءِ نزیک ءَ مند ءِ دمگ مھیر ءُ ردیگ ءِ میانی دمگ ءَ زورگریں پاکستانی پوج ءِ یک گاڑی یے سر ءَ سنگر گپتگ ءُ تُرندیں اُرشے کتگ- اُرش ءَ دُژمنیں پوج ءِ پنچ کارندہ جاہ پہ جاھی مرتگ ءُ دو سک ٹپیگ بیتگ اَنت – وھدے کہ گاڑی ءَ ھم تاوان رس اِتگ-
جارکش ءَ گوشتگ کہ اُرش ءَ کمو پد دُژمن ءِ ھیلی کاپٹر وتی لاش ءُ ٹپی کارندھانی چست کنگ ءَ اُرش جاہ ءَ سر بیتگ بلے سرمچار کاروائی ءِ سرجم کنگ ءَ پد پہ سلامتی درتکگ ءُ وتی مُھریں اوتاکاں سر بیگ ءَ سوبمند بیتگ اَنت-
جارکش ءَ گوشتگ بلوچستان لبریشن فرنٹ مند ءَ زورگریں پاکستانی پوج ءِ سر ءَ اُرش ءَ پنچ کارندھانی کوش دو کارندھانی ٹپیگ کنگ ءِ زمہ واری ءَ منّ اِیت ءُ اے اِھد کنت کہ بلوچستان ءِ وتواجھی ءَ تاں زورگریں پوج ءِ سر ءَ اے وڑیں اُرشانی دْرچ یکشل ءَ برجاہ بنت ءُ اُرشانی تہ ءَ تُرندی آرگ بیت-