شال : نظر مری ءِ یل نہ کنگ ءِ ھلاپ ءَ زھرشانی

یکشمبے ءِ روچ ءَ بلوچ یکجھتی کمیٹی شال زون نیمگ ءَ چہ نظر مری ءِ زورانسری آوار جنی ءِ ھلاپ ءَ شال ءَ زھرشانی کتگ، اود ءَ آئی ءِ زوت پہ سلامتی یل کنائینگ لوٹ کتگ-

زھرشانی ءَ مردماں مزنیں کچے ءَ بھر زرتگ زورانسری آوار جنی ءِ ھلاپ ءَ ناراہ جتگ-

زھرشانی کنوکاں گوشتگ کہ بلوچستان ءَ برجاہ زورانسری آوار جنی ءِ ھلاپ ءَ مئے جُھد برجاہ بیت، زورانسری آوار جنی ءِ کار نو بلوچ راج ءِ ایرموش کنگ ءِ ھاتر ءَ یک مھکمیں ریاستی سلاہ جوڑ بیتگ-

آیاں گوشتگ کہ نظر مری آوار جنی، اے درزنانی اناں بلکیں ھزرانی بیگواھیں بلوچانی لڑ ءَ دگہ یک نامے گیش بیتگ، کہ آ ریاستی چیردستی ءَ بید چشیں کانودی کاروائی ءَ زورانسری چست کتگ اَنت-

زھرشانی کنوکاں گوشتگ کہ سرجمیں بلوچستان ءَ کھول وتی دوستناکانی یل کنائینگ ھاتر ءَ توار چست کنگ ءَ اَنت، بلے ریاستی ادارہ یکشل ءَ بے توار اَنت-

بلوچ یکجھتی کمیٹی اے اِھد کنت کہ آ ریاستی زوراکی، زورانسری آوار جنی ءُ انسانی ھکانی لگتمالی ءِ ھرچ کار ءِ ھلاپ ءَ گھگیری ءَ برجاہ دار اِیت، ءُ بیگواھیں مردمانی کھولانی گوم ءَ ھرچ گام ءَ اوشتاتگیں-