اوگانستان ءِ استان پکتیکا ءِ ارگون ءُ برمل ءَ پاکستانی بُرزی اُرشانی آسر ءَ ھشت کرکٹ کھلاڑیوں ھوار بازیں مردمے بیران ءُ ٹپی بیتگ اَنت-
اِھوالکار ءِ رِد ءَ بُرزی کاروائیاں ارگون ءُ برمل ءِ بازیں دمگ نشانگ کتگ اَنت، چریشی ءِ آسر ءَ بازیں مردمے بیران ٹپی بیتگ اَنت- بیران ءُ ٹپی بیتگیں مردمانی تہ ءَ زالبول ءُ چُک ھم ھوار اَنت-
بُرزی اُرشانی آسر ءَ ھشت کرکٹ کھلاڑی ھم بیران بیتگ اَنت – اوگان کرکٹ بورڈ ءِ رِد ءَ اے ھال دیگ بیتگ کہ کھلاٹی استانی بُنجاہ ءَ چہ وتی دمگ ءَ واتر روگ ءَ بیتگ اَنت اے میان ءَ آ نشانگ کنگ بیتگ اَنت-
اوگان رسانکدر ءِ رِد ءَ اے اُرش گیشتر میتگانی سر ءَ بیتگ اَنت، بلے جانی تاوان ءِ درگت ءَ تچکیں ھال انگت سر نہ بیتگ-
اے وئیل ھما وھد ءَ دیم ءَ اَتکگ وھدے دوھہ ءَ برجاہ گپ ءُ دیوان ءِ میان ءَ ادروکی جنگ بندی ءِ کنگ بیتگ، اشی ءَ اَبید سیمسری دمگاں جاور ناگیگ-