تھریک تالبان پاکستان ءِ سروک ، مفتی نور ولی مسعود ءِ تامُر شنگ

پاکستانی طالبان ءِ سروک، مفتی نورولی مسعود ءَ یک تامُر کلوھے ءَ گوشتگ وتی ٹکی ءُ شرپمندیں سرڈگار ءِ سر ءَ ساڑیاں – سرجمیں سنگتاں دلجمی دیاں کہ ھچ وڑ پریشان مہ بہ اِت ءُ نانکہ پاکستانی ھکومت ءِ دروگیں گپانی سر ستک مکن اِت-

آئی ءَ پاکستان ءِ توانمندیں پوجی تچکیں لبزاں گوں چلینج کنان ءَ گوشتگ کہ اے مردم مدام وتی ھلاپیناں ھندوستان یا کہ اوگانستان ءَ چہ ھمگرنچ کنگ ءِ جُھد ءَ کنت، کہ اے اشانی نزوری، مناپکت ءُ بے گیرتی اِنت-

تامُر ءَ مفتی نور ولی مسعود ءَ وتی سلاہ بندیں سنگتانی ھمراھی گندگ کئیت-

تامُر کلوہ ءَ آ وتی راج ءَ را پاکستانی نزام ءِ پسادی ءُ زوراکیں توانمندانی ھلاپ ءِ مھکمیں گھگیری ءِ بہ کن اَنت-

زانگ بہ بیت کہ پاکستان ءِ ھکومت ءُ پوجی اِھوالکار ءَ نُھ اکتوبر ءَ ٹاہ داتگ کہ کابل ءَ یک سیاھیں لینڈ کروزر سوار پاکستانی طالبان ءِ سروک، مفتی نور ولی مسعود ءَ نشانگ کتگ کشتگ-