ھمے سال ءِ نوبیل ایمنی داد ءِ جار جنگ بوتگ۔
نوبیل ایمنی داد 2025 وینزویلا ءِ ماریا کورینا ماچاڈو ءَ دیگ بوتگ۔
نوبیل کمیٹی ءِ گشگ انت کہ نوبیل ایمنی داد ونزویلا ءِ جمھوریت دوستیں رھشون ماریا کورینا ماچاڈو ءِ نام ءَ انت۔
ماریا کورینا ماچاڈو ءَ را ونزویلا ءِ راج ءِ جمھوری ھکانی دیمروئی ءِ ھاتر ءَ اے داد دیگ بوتگ۔
ماریا کورینا ماچاڈو ءَ را آمریت ءَ چہ جمھوریت ءِ نیمگ ءَ انساپ ءُ پرامنیں ردوم ءِ جھد ءِ ھاتر ءَ اے داد دیگ بوتگ۔
ناروے ءِ نوبیل انسٹی ٹیوٹ ءِ گشگ انت کہ کل 338 نامینتگینانی تہ ءَ 244 مردم ءُ 94 گل ھوار انت کہ گوستگیں سال ءِ 286 نامینتگینانی توک ءَ اے مزنیں گیشی یے ۔
نوبیل ءِ رھبندانی رد ءَ نامینتگیں مردمانی پجار 50 سال ءَ راز دارگ بیت بلے داد ءِ کمیٹی ءَ آزات اِنت کہ آ ھما مردم یا گل ءِ نام ءَ پدر بہ کنت کہ آیاں نامینت کت کنت۔