غزہ ءَ اسرائیل ءِ ھلاپ ءَ سلاہ بندیں گل حماس ءَ امریکہ ءِ صدر ڈونلڈ ٹرمپ ءِ نیمگ ءَ پیش کتگیں بنگپانی سر ءَ بیان شنگ کتگ کہ ایشی ءِ تہ ءَ جنگ بندی ءُ بندیگانی مٹ کنگ ءَ ھوار بازیں بنگپامی سر ءَ وتی لیکہ ءِ درشانی کتگ۔
حماس ءِ رد ءَ اے بنگپ چہ سروکی ءِ تہ ئِے شور ءُ سلاہ ، فلسطینی فورسز ءُ ٹولیانی گوں رھوت ءُ ھم دروریں ڈیھانی میانجی یَ گوں گپ ءُ تران ءَ پد زورگ بوتگ ۔
بیان ءِ تہ ءَ گْوشگ بیتگ کہ حماس کوشست کنگ ءَ اِنت کہ غزہ ءِ سر ءَ برجاھیں زوراکی ءُ نسل کشی ءَ را دارگ ءُ فلسطینی الس ءِ بنیاتی ھکاں دل یکیمی کنگ بہ بیت۔
بیان ءِ تہ ءَ گوشگ بوتگ کہ صدر ٹرمپ ءِ شور ءُ سلاہ ءِ رد ءَ حماس ساڑی اِنت کہ بندیاں گوں بدل کنگ ءَ ساڑی اِنت۔ اے درگت ءَ اے گل ءَ اے گپ ءِ سر ءَ تپاک کتگ کہ اسرائیلہ بندیگ زندگ یا مُرتگیں زندانیان ءِ رد ءَ داتگیں بنگپانی رد ءَ یل کنگ بنت بشرت ایش انت یک جوانیں پلیٹ فارمے ءِ دیم ءَ آرگ بہ بیت۔
حماس ءَ اے گپ ءِ گیش ءُ گیوار ءِ ھاترا میانجی داری ءِ زور ءَ ترندیں گپ ءُ تران ءِ ھاترا وتی تیاری ءِ درشان کتگ۔
حماس ءَ گیشتر گْوشتگ کہ آ فلسطینی سرکار ءِ دست ءَ دیگ ءَ تیار اِنت کہ آ آزات اِنت ءُ چہ کارشناس (ٹیکنوکریٹس) ءَ جوڑ بہ بیت ءُ فلسطین ءِ راجی تپاکی ءُ ھمے رنگ ءَ عرب ءُ اسلامی ھمراھی ءِ ھست اِنت۔
صدر ٹرمپ ءِ بنگپ ءِ تہ ءَ ھواریں دگہ جیڑھانی ھوالگ ءَ کہ آ غزہ ءِ آیوکیں وھد ءُ فلسطینی راج ءِ کانونی ھکانی ھوالگ ءَ اَنت، حماس ءِ سروکی ءَ گوشت کہ ایشی ءِ سر ءَ گڈی پیسلہ یک سرجمیں فلسطینی راجی رھبند ءِ تہ ءَ کنگ بیت۔
گل ءِ رد ءَ اے جیڑپ میان اُستمانی کانود ءُ کراردادانی رژنائی ءَ پیسلہ کنگ بہ بنت۔
بیان ءِ گڈسر ءَ حماس ءَ عرب، اسلامی ءُ میان استمانی تک ءَ جنگ ءِ بند کنگ، غزہ ءَ انسانی کمک ءِ سر کنگ ءُ فلسطینی الس ءِ زوراکی ءَ چہ آوار جنگ ءِ دیم ءَ دارگ ءِ ھاترا کتگیں کوشستانی توسیپ کتگ۔