بے ھیال تاں من
مھروان چراگ
دی بلوچستان پوسٹ
بے ھیال تاں من
گوں وتی بے ھیالی ءَ
نز کاراں یک کسھے
گوں وتی بے ھیالی ءَ
آ زمین زادگے
آ آشک ءُ ملنگ ءُ دیوانگے
آ پہ زمین کربان بیت
پند جنان بیت
کلبر ءُ داں زامران
گورکوپءَ بگر داں مشکے ءَ
کنڈ کنڈ ءَ تران ءُ گردان بیت
بلوچستان ءِ ندارگ ءُ زیبائی ءِ
وتی دل ءَ جاہ دیان بیت
شپ ءِ ماھکانی ءَ ءُ روچ ءِ برمش ءَ
گوں وتی ھیال آں جنزان بیت
ھچ مان نیاریت زند ءَ
ساہ ءِ سودا کتگ پہ گلزمین
وشی وتی زند ءِ رھن کتاں
اے کاریں امروز ءَ پہ بلوچ ءَ
ھچ پشت نہ کپت ءَ پہ گلزمین
مان کپتگ ھوک ءُ لد آں
گِر بستگ بچاں تئی
کناں آجو ترا دلجمی
اے زمین ءِ مھر آں پہ ترا مھروان
کہ کندیل ءِ چراگ ءِ باندا بلیت