خیبرپختونواہ ءَ پاکستانی فوج ءِ جیٹ جھازاں تیراہ ءَ بمبگواری کتگ، 22 شجری بیران بوتگ انت، گیشتریں بھر زالبول ءُ زھگانی بوتگ انت۔
پشتون تھپز تھریک ءِ سروک منظور پشتون ءَ گشتگ کہ پنجابی لشکر ءَ یک رندے پد ءَ پشتون ءِ وطن ءِ تیراہ ءِ وادی شڈلو متری ، خیبر ءَ پشتونانی لس آبادی ءِ سر ءَ بمبگواری کتگ ءُ چریشی ءَ 2 لوگ سرجم ءَ تباہ بوتگ انت ءُُ تاں انوگ ءَ 23 زالبول شھید بیتگ انت ءُ بازینے انگت ءَ لوگانی چیر ءَ انت-
زانگ بہ بیت گوستگیں روچاں بلوچستان ءِ دمگ زھری ءَ دو جاہ ءِ سر ءَ بمبگواری ءَ شش مردم بیران ءُ پنچ ٹپی بوتگ انت کہ آہانی تہ ءَ زالبول ءُ زھگ ھم ھوار انت۔
سیاسی مھلوک ءِ گوشگ انت پاکستانی پوج ناشرکاری ءِ نام ءَ لس مردماں نشانگ کنگ ءُ کشگ ءَ انت ءُ ھمے درچ ءَ زھگ ءُ زالبول جنگ بوگ ءَ انت-