روکپتی بلوچستان ءِ بنجاھی شھر زاھدان (دزاپ) ءَ بندیگیں مردمے پاھو دیگ بیتگ-
پاھو دیگ بوتگیں مردم ءِ پجار آمر ء مھمد انت کہ آ سراوان جھمنند انت ۔
اھوالانی رد ءَ آمر گوستگیں روچ ءِ سھب ءَ ماں زاھدان ءِ زندان ءَ ایرانی آمیدگس ءِ ھکم ءَ پاھو دیگ بیتگ-
گوشگ بوتگ آمر چھار سال پیش ءَ یک کوشے ءِ بھتام ءَ دزگیر ءُ زندان ءَ برگ بوتگ ، آمیدگس ءَ پیش کنگ ءَ پد آئی ءِ سر ءَ پاھو ءِ سزا جنگ بوتگ-
اھوالانی رد ءَ آمر پنچ رَنداں پیش ءَ ھم پہ پاھو دیگ ءَ ایوکی ءِ واڑ ءَ برگ بوتگ کہ اے ششمی رندا پاھو دیگ بوتگ ۔
ایران ءِ دگہ ھوار سیستان و بلوچستان ءَ بازیں مردم جتا جتائیں بھتاماں پاھو دیگ بوگ ءَ انت کہ آیانی گیشتریں بھر سیستان و بلوچستان ءَ انت-