روکپتی بلوچستان بنجاھی شھر زاھدان ،پیشن ءُ ھاش ءَ تیرگواری ءُ پاھو دیگانی ویلاں سَے مردم بیران بیتگ انت ۔
زاھدان ءِ بُنجاھی بندیگ جاہ ءَ بندیگے بلوچ ورنایے پاھو دیگ بیتگ۔
گوستگیں روچ ءَ بزانکہ یک شمبے ءَ زاھدان ءِ بنجاھی بندیگ جاہ ءَ بندیگے مسئود ء شیر مھمد ، کَنبر زھی زاھدان ءِ دمگ گوربند ءِ جھمنند کہ دہ سال پیسر ءَ نُھ مردمانی کُشگ ء بھتام ءَ دزگیر کنگ بیتگ ءُ پد ءَ آئی ءِ سر ءَ پاھو اتکگ ءُ آ پاھو دیگ بیتگ ۔
پیشن ءَ سلاھبندیں مردمانی تیرگواری ءَ سپاہ ءِ دمگی باسکے بیران بیتگ۔
شمبے روچ ءَ راسک ءِ دمگ پیشن ءَ پجار نہ بوتگیں سلاہ بندیں مردماں بازار ءِ تھ ءَ سپاہ ءِ کارندہ ایرج شمس ء مھمد کریم سلاہ بندیں اُرش ءَ نشانگ کرتگ ءُ کشتگ
ایرج شمس راسک ءِ دمگ پیشن ءِ سَے راھی ءُ سیمسری دمگ ردیگ ءُ ماھکول دمگاں سپاہ ءِ کارمندانی کماندار اُگدہ ءَ کار ءَ بوتگ ۔
کوش ءِ سوب زانگ نہ بیتگ ۔
ھاش ءَ بلوچ ورنایے کارچ جَنَگ ءُ کُشگ بیتگ ۔
ھاش ءِ بازار ءَ زی آروسی دیوانے ءَ چہ در آیوکے مردمے پجار نہ بوتگیں مردماں کارچ جتگ ءُ کُشتگ۔
بیران بیتگیں مردم ءِ پجار ھادی ء اَئید مھمد ، ریگی جھمنند ھاش ءِ نام ءَ زانگ بیتگ-
روکپتی بلوچستان ءَ ھمک روچی بنیاد ءَ مردم نشانگ کنگ ءُ کوشگ بوگ ءَ انت بلے دابیں کوش ءُ ویلانہ ھاسین گر ءُ داری ءَ انتزامیہ ءِ بے واکی یکشل ءَ گندگ بوگ ءَ انت-