شال ءَ سلاہ بندیں مردماں میاں غنڈی ءِ دمگ ءَ پولیس کارندھانی دزگیر کنگ ءَ پد آیانی سلاہ وتی وتی دستیگ کتگ اَنت، بلے پد کارندہ بید تاوان ءَ یل داتگ اَنت-
دمگی اِھوالکار ءِ رِد ءَ اے وئیل ھما وھد ءَ دیم ءَ اتکگ وھدے پولیس گشت ءَ بوتگ کہ سلاہ بندیں مردماں آ دزگیر کتگ ءُ آیانی سلاہ پچ گپتگ اَنت-
بلے واکدار ءِ درشان اے درگت ءَ شنگ نہ بیتگ-
گوستناک ءَ اے وڑیں وئیلانی زمہ واری بلوچ آجوئی لوٹوکیں سلاہ بندیں گلاں زرتگ اَنت – بلے مروچگیں وئیل زمہ واری انگت ھچ گل ءَ نہ زرتگ-