بلوچستان ءِ دمگ بولان ءَ پاکستانی پوج ءِ نیمگ ءَ جیٹ جھازانی گون ءَ بمباری کنگ بیتگ-
دمگی مردماں ٹی بی پی ءَ گْوشتگ کہ گوستگیں روچ ءَ مَچ ءِ دمگ گونی پرا ءُ ایشی ءَ گوں ھمگرنچیں اردو باغ ءُ ڈھاڈر ءِ کوھانی دمگاں پاکستان ایئر فورس ءِ جیٹ جھازاں بمباری کتگ-
بالی گرابانی بمبگواری ءِ سبب ءَ بوتگیں تاوان ءِ بابت ءَ انگت ءَ ھچ وڑیں پدرائی نہ بوتگ وھدے کہ پاکستانی پوج ءَ گوں بندوکیں سوشل میڈیا تندجاھاں اے گپ ءِ ٹاہ دیگ بوگ ءَ انت کہ بمبتراک ءِ تہ ءَ بلوچ آجوئی لوٹوکیں مردم نشانگ جوڑ کنگ بوتگ اَنت۔
بلے دومی نیمگ ءَ آجوئی لوٹوکیں تاوان ءُ تاوان انگت ءَ پکا کنگ نہ بوتگ –