جھاؤ، دشت ءُ مستونگ ءَ اُرشاں زورگریں پوج ءِ سے کارندھانی کوش ءُ پنچ ءِ ٹپی کنگ زمہ واری بی ایل ایف ءَ منّ اِتگ

بلوچستان لبریشن فرنٹ ءِ جارکش میجر گْوھرام بلوچ ءَ شنگ کتگیں درشان ءِ تہ ءَ گْوشتگ کہ 25 اگست ءِ نیمروچ ءِ وھد ءَ جھاؤ ءِ دمگ یوسف کور ءَ زورگریں پاکستانی پوج ءِ سنگرانی سر ءَ پیسر ءَ چہ پوزیشن گپتگ پوج ءِ کارندھانی آھگ ءِ ودار کتگ – انچش پوج ءِ کارندہ اود ءَ سر بیتگ اَنت گُڑا سرمچاراں آھانی سر ءَ تُرندیں اُرشے کتگ- اُرش ءِ آسر ءَ سے کارندہ جاہ پہ جاھی مرتگ اَنت وھدے کہ سے سک ٹپی بیتگ اَنت، آیانی درگت ءَ ھمے گمان اِنت کہ آ ھم مرتگ اَنت-

جارکش ءَ گوشتگ اُرش ءَ پد سرمچاراں پہ سلامتی وتی مُھریں اوتاکاں سر بیتگ اَنت-

جارکش گوشتگ کہ دگہ یک اُرشے ءَ بلوچستان لبریشن فرنٹ ءِ سرمچاراں 23 اگست ءَ کیچ ءِ دمگ دشت نریان ڈن ءَ سی پیک دگ سر بستگ دُژمن ءِ سُر ءُ پُر چارتگ اَنت- اے میان ءَ سرمچاراں زورگریں پوج ءِ نیمگ ءَ چہ سرمچاراں چاریگی ءِ ھاتر ءَ مک کتگیں یک یوپون موباھل ٹاور ءِ تراکناکیں شورواں چہ تباہ کتگ ، چریشی ءِ آسر ءَ ٹاور سرجمی ءَ تباہ بوتگ- سرمچاراں چاریگ ءِ ھاتر ءَ پٹ کتگیں چاریگی کیمرہ ھم وتی ھمراھی ءَ برتگ-

جارکش ءَ گْوشتگ کہ دگہ یک کاروائی یے 25 اگست ءِ شپ ءَ مستونگ ءِ دمگ کھڈکوچہ ءَ سرمچاراں بُنجاھی شھدگ سر بستگ پٹ ءُ پول کتگ، ھمے میان ءَ یک سلاہ بندیں مردمے گپتگ ءُ سلاہ دستیگ کتگ-

جارکش ءَ گوشتگ راہ بندگ ءِ میان ءَ زورگریں پاکستانی پوج ءَ سرمچارانی نیمگ ءَ پیشکدمی ءِ جُھد کتگ بلے سرمچارانی یک ٹولی ءَ اُرش کتگ ءُ آ پُشتکنز کنگ ءَ لاچار کتگ اَنت- اے میڑ ءَ پوج ءِ دو کارندہ ٹپی بیتگ اَنت-

جارکش ءَ بلوچ لبریشن فرنٹ اے سرجمیں اُرشانی زمہ واری ءَ منّ اِیت-