کراچی بار کونسل ءَ پاکستانی لشکر ءِ دست ءَ بیگواہ بوتگیں صادق مراد ءِ زوت یل کنگ ءُ تچکیں پٹ ءُ پول ءِ لوٹ کتگ۔
کراچی بار ایسوسی ایشن ءَ کاؤنٹر ٹیررازم ڈپارٹمنٹ کراچی ءِ نیمگ ءَ صادق بلوچ ءِ آوار جنگ ءُ گیر کانونی ءُ تچک ءَ زوراکی گشتگ ءُ ویل ایر جتگ-
کراچی بار ءِ نیمگ ءَ چہ شنگ بوتگیں بیان ءَ گْوشگ بیتگ کہ 22 اگست 2025 ءِ سھب ءَ مراد بخش ءِ چُک ءُ ایڈووکیٹ عمران کلمتی ءِ ناکوزتک صادق ملیر صدیق گوٹھ ےَ ابید ءِ ارزی گرزی ءَ آوار جتگ ءُ برتگ-
بیان ءِ تہ ءَ گْوشگ بیتگ کہ سی ٹی ڈی ءِ کارندہ ناجائزیں وڑے ءَ لوگ ءِ تہ ءَ شُتگ اَنت ءُ کھول ءُ ھمساھگ لٹ شاپ کتگ انت د ءُ ھمے وھد ءَ جنین ءُ چُکاں گوں بدے سدیں گپ ءُ ٹارچر کتگ کہ اے انسانی ھک ءُ کانود ءِ پدّریں لگتمالی اِنت۔
کراچی بار ءَ ھمے درچ ءِ سر ءَ صادق ءِ زوت یل کنگ ءِ لوٹ کتگ ءُ گْوشتگ کہ اگاں آئی ءِ سر ءَ ھچ وڑیں چیریں جرم ھست گڑا آئی ءِ سر ءَ کانونی تک ءَ تچک ءَ کارروائی کنگ بہ بیت۔
بیان ءَ گیش گشگ بوتگ کہ اے وئیل ءِ سر ءَ تچکیں پٹ ءُ پول کنگ بہ بیت ءُ ایشی ءِ تہ ءَ ھواریں سی ٹی ڈی ءِ کارندھانی ھلاپ ءَ کانونی کارروائی کنگ بہ بیت، تانکہ شھریانی گون ءَ اے وڑیں گیر انسانی رویش دیم ءَ دارگ بہ بیت۔