کراچی پریس کلب ءِ دیم ءَ زاھد علی ءِ کھول ءُ ھمراھانی زھرشانی بنجل مرچی نوزدھمی روچ ءَ برجاہ بیتگ۔
کراچی یونیورسٹی ءِ میان استمانی سیادی ءِ تک ءِ 25 سالی ئیں بلوچ نودربر زاھد علی 17 جولائی 2025 ءَ پاکستانی لشکر ءَ ھما وھد ءَ آوار جتگ کہ رکشہ ءِ ھلائینگ ءَ بیتگ کہ چریشی ءِ سبب ءَ وتی لوگ ءِ ھَرچ ءُ درچ ءِ گزران ءَ بیتگ-
زاہد علی ءِ زورانسری بیگواہ کنگ ءِ مرچی 39 روچ سرجم بوتگ۔ آئی ءِ پت عبدالحمید کہ ہیپاٹائٹس ءِ نادراہ اِنت ءُ وتی جان سلامتی ءِ ناگیگی ءَ ابید ھم پریس کلب ءِ دپ ءَ گوں وتی ھاندان ءَ موسم ءِ ھرابیں جاوراں برداشت کنگ ءَ اِنت وتی چُک ءَ سلامتی ءَ لوٹگ ءُ انت-
کھول ءِ گشگ اِنت کہ چہ مدامی زھرشانی ءُ 19 روچ ءِ دھرنا ءَ ابید ھم واکداراں نہ ھچ وڑیں توجیل نہ داتگ ءُ نہ کانونی کارروائی کتگ ءُ نہ انساپ داتگ۔
ایشانی گْوشگ ءِ رد ءَ زاھد ءِ کیس چہ ھما بے کساسیں زوراکیں بیگواھیاں یکے کہ آئی ءَ بلوچ ءِ ھاندان تباہ کتگ انت۔
زاھد علی ءِ زورانسری بیگواہ کنگ ءِ 39 روچ ءِ سرجم بوھگ ءَ آئی ءِ کھول ءُ سنگتاں ھم کراچی پریس کلب ءِ دیم ءَ ایمنی ءِ واکے کش اتگ ءُ آئی ءِ یل دیگ ءِ لوٹ کتگ ءُ بیگواھیانی ھلاس ءِ لوٹ کتگ-