کراچی ءِ دمگ صادق گوٹھ ءَ سی ٹی ڈی ءُ چیریں ادارھانی کارندھاں یک ورنایے زورانسری آوار جتگ ءُ بیگواہ کتگ-
اِھوالکار ءِ رِد ءَ ورنا ءِ پجّار صادق بلوچ ء مراد بخش نام ءَ چہ بیتگ- گوستگیں شپ ءَ سی ٹی ڈی ءُ چیریں ادارھانی کارندھاں دمگ ءَ بیڑبرتگ، ھمے میان ءَ بازیں بلوچانی لوگاں پُترتگ اَنت مردم تُرسینتگ ءُ لَٹ ءُ کُٹانی نشانگ کتگ اَنت وھدے کہ ھمے میان ءَ صادق بلوچ آوار جنگ ءَ پد ناشناسیں جاھے ءَ برتگ-
دومی نیمگ ءَ کھول ءَ صادق بلوچ ءِ یل کنائینگ ءِ ھاتر ءَ دگ بند کتگ ءُ زھرشانی کنگ ءَ اَنت-
زانگ بیت صادق آوار جنگ ءِ وھد ءَ تامُر ءِ تہ ءَ گندگ بیت کہ سی ٹی ڈی کارندہ آئی ءَ برگ ءَ اَنت-