بلوچستان ءِ دمگ کیچ ءِ ھند بلیدہ ءَ یک لوگے ءِ سر ءَ ناشناسیں مردماں دزبمبے چگل داتگ ءُ چریشی ءَ چہ اود ءَ بمب پسانی سر ءَ کپتگ ءُ پَس ٹپی بیتگ انت-
اھولانی رد ءَ بلیدہ میناز ءَ پیر بخش نامیں مردمے ءِ گِس ءِ گوستگیں شپ ءِ ساھت یازدہ ءَ دزبمبے چگل داتگ ءُ چریشی ءَ اود ءَ بمب پسانی سر ءَ کپتگ ءُ پس ٹپی بیتگ انت-
دمگی مردمانی رد ءَ اُرشکار سَے پرپٹاں سوار بیتگ انت ءُ آھاں پیر بخش نامیں مردمے ءِ گِس ءِ سر ءَ بمبے چگل داتگ-
اھوالانی رد ءَ اُرشکارانی سیادی سرکاری پلامرزی ءَ ھستیں ٹولی کہ لس نام ءَ “ ڈیتھ اسکواڈ” ءِ نام ءَ زانگ بیت انت آیاں گوستگیں شپ ءَ پیر بخش نامیں مردے ءِ گِس ءِ سر ءَ دزبمبے چگل داتگ-
ویل ءَ دگہ جانی تاوان پیش نیتکگ انت بلے آئی ءِ دلوتاں تاوانباری بیتگ انت-
زانگ بہ بیت بلوچستان ءِ جتا جتائیں جاھاں سرکاری پلامرزی ءَ ھستیں ٹولی یکشل ءَ مھلوک ءِ لوگانی سر ءَ بمب ءُ اود ءَ ورنایاں نشانگ کنگ ءَ انت –
ھمے ماہ ءَ کیچ ءِ بنجاھی شھر تربت ءَ ھم ھمے ڈول ءَ سرکاری پلامرزی ءَ ھستیں ٹولی ءَ یک لوگے ءِ سر ءَ بمبے چگل داتگ ات کہ چریشی ءَ چہ اود ءَ زالبول زدگ بیتگ ات انت ءُ ھمے وڑ تمپ ءِ جتا جتائیں جاھاں ھم ھمے ٹولی ءَ لس مھلوک ءِ لوگ نشانگ کتگ انت-