شھید جنید جان اُرپ ءِ کنگ
نبشتہ کار : مُلّا بلوچ
دی بلوچستان پوسٹ
من نوک اوتاک ءَ سر بیتاں اے نوکیں اوتاکے اَت من پہ اے اوتاک ءَ نوک اَتاں ناں من کسے زانت ناں من ءَ کسے ءَ زانت بید ء جھیند ءَ کہ جھیند منی کسانی ءِ سنگت ءَ ھمد ءَ من ءَ دُچار کپت گڑا ما نیشتیں سنگتاں چاھے پِر کُت سے چار سنگت ھمود ءَ آپ ءِ سر ءَ جان شودگ ءَ اَت آپ چہ اوتاک ءَ نزیک اَت گڑا جان شودوکیں سنگتاں جان شُشت ءُ سر بیت اَنت ایشانی تہ ءَ یک کسان سالیں گونڈلے گون اَنت آئی ءِ نام کِنگ اَت-
اے مات کوہ چہ ماتی بچّاں ھالیگ نہ اَت ھما بچ کہ ماتاں پہ چم ءِ چارگ ءَ شات نبیتگ اَنت آیاں ھمے مات کوہ پہ وت ءَ گچین کُتگ کسان کسانیں گونڈل کہ آیانی لیب ءُ گوازی وانگ ءُ زانگ ءِ اُمبر اِنت بلے آ ھمے چاگرد ءَ دیستگیں زلم ءُ زوراکیاں انچو مجبور کُتگ اَنت کہ آیاں وتی وشیں زند گوں وتی واب ءُ ارماناں یل کُتگ کَلم ءِ جاہ ءَ تُپنگ زُرتگ دیم پہ کوہ ءَ اتکگ اَنت گڑا ھمیشانی تہ ءَ یکے کِنگ اَت کِنگ ءَ اسکول ءُ مدرسہ ھر دوئیں سک کم ونتگ اَت بلے وھدے دیوان ءَ نشتگ اَت گڑا تو نہ زانتگ کہ اے گونڈل ءَ ھچ نہ ونتگ کِنگ ءِ گپ کِنگ ءِ دیوان سک وش اَت اوتاک ءِ کستریں سرمچار کِنگ اَت۔
من ھمے اوتاک ءِ تہ ءَ وھد گوازینت اے اوتاک ءِ کمانڈ شھید میران جان اُرپ ءِ نزر ءَ گون اَت کہ نوشکی ءَ کیمپ کبزہ ءِ وھد ءَ وت ءُ شھید یاسین جان اُرپ رؤپ شھید بیت اَنت-
یک ٹیمے من ابراھیم جَکرانی کِنگ سپرے ءَ درکپتیں دو نوکیں سنگت مارا گون اَت رمزان ءِ ماہ اَت سپر سک دور اَت ما سپر سُھب ءَ 6 بج ءَ بندات کُت مے 2 روچ ءِ سپر اَت راہ ءَ روان دیوان کنان گڑا کِنگ اے وھدی نوک نہ اَت کِنگ ءَ شش ماہ بیتگ اَت یا ھپت ماہ کہ جُھد ءَ ھوار اَت گڈا ما گپ ءَ کپتیں من ءَ جُست ئِے گپت کہ تو کجام کجام شھید دیستگ تو ناگوھاں بیتگ ئے ھیروپ ءِ پدائی درست ھما نیمگ ءِ سنگت بیتگ اَنت من گوشت جی ھو من ھیروپ ءِ کُل پدائی دیستگ اَنت ابید ء گُھاریں ماھل ءَ من گوشت آ پدائیاں گوں کُلاں شریں وھدے گوازینتگ من من ءَ پدائی گوس بکش تالِب ءِ جُست ئِے گپت من گوشت جی ھاں گوں تالب ءَ من یکجاہ بیتگاں پدائی تالب ھاموشیں سنگتے بیتگ آئی ءَ گشتے گون بیتگ تَرمل ءِ بلاھیں اُستادے بیتگ سکیں مھنتی او مُکلیسیں سنگتے بیتگ ۔
انچو آ جُست کنان اَت من ھم گپ جنان اَتاں راہ ءَ روان گپ جنان کہ مگرب ءِ وھد ءُ پاس رس اِت نزیک بیت ما آپ گور ءَ داشت ھمد ءَ دبوج ءِ تیاری کُت جلدی جلدی من ڈالے پِر کُت شھید کِنگ ءَ ابراھیم جکرانی ءَ نان پتک آ سنگت مھمان اِت اَنت نوک اِت اَنت ما کار ءَ نشتں بلے آیاں دار آؤرت گڑا جلدی جلدی کُت بلے ٹیم سرجم بیت ڈال انگت ڈڈ اَت ما گوں ھمیشاں دبوج کُت گڑا نمازے ونت ھمد ءَ نشتیں نی سنگتانی مشورہ ھمیش اَت کہ سھب ءَ پد ءَ سپر ءَ بندات کنیں باندا روچگ نہ بئیں سپر ءِ تہ ءَ اِیں گرمی ھم ھست پدءَ پند جنگی اِنت 13 ادار (گنٹھہ+ ءِ سپر اِنت گڑا ما ھمد ءَ دیوان کُت چاھے پِر کُت شَیر َ شائری بیت کِنگ ءَ مدام یک شیرے ونتگ کہ منی دل ءَ اے وھدی آیگ ءَ نہ اِنت کِنگ نوک بلوچی گپ جنگ ءَ اَت بلوچی ءَ سرپد ٹیٹ بیتگ اَت بلے گپ ئِے کم جت شپ ءَ ھمد ءَ پروشتگیں کوٹی یے ھست اَت ما ھمیشی ءِ تہ ءَ وپتیں سُھب ءَ پاد اتکیں چاھے وارت سپر پد ءَ بندات بیت کِنگ ءَ مدام یک کارے کُتگ لاگانی استاد بیتگ لاگانی زمداری زیرگ لاگانی سمبالگ چینچو گران اِنت سپر ءِ تہ ءَ شپ ءِ تھاری ءَ اے چیز ءَ چہ کوہ ءِ سنگتاں جُست گِر اِت کِنگ ءَ ھچ سنگت نہ اشتگ لاگی وت چارتگ اَنت-
کِنگ ءَ یک تیرے وتی گردن ءَ بستگ اَت ما مدام جست گپت اے تیر ءَ چی کن ئے گُشت ئِے کہ اے تیر ءَ من وتی گُڈی تیر کناں ما کند اَت ءُ گشت چار گوں اے تیر ءَ اینچو آپ لگ اِتگ ایشی ءِ اُمید ءَ وت ءَ مدار زندگ ءَ دستگیر بہ ئے گش اِیت ناں من ڈارک وت ءَ نجناں ھروھد ءَ آپریشن ءَ کپتاں یکبرے ٹیٹ جنگ کناں تیر ھلاس بنت ھچ راہ نہ بیت گڑا وت ءَ گُڈی کناں کِنگ جان ءَ وتی مید سک چار اِتگ اَنت ھر سُھب کوہ ءَ دیم شتگ مردم ءَ تھمبل نہ بیت بلے کِنگ ءَ ھر وھد وتی سر شُشتگ وھد روان اَت من ھم چہ کِنگ ءَ چہ کُل سنگتاں جتاں بیتاں-
انی من یک روچے آتکاں نیٹ ءَ اد ءَ چاراں شھید کِنگ گوں دگہ ھمراھاں شھید بیتگ آ سنگتاں آپریشن ءَ جنگ بیتگ اَنت ءُ کِنگ جان گوں دژمن ءَ سوراببءِ کیمپ ءَ کبزہ دیم پہ دیمی جنگ ءَ ٹپّیگ بیتگ ءُ پد ءَ شھید بیتگ کِنگ جان کسان اَت بلے ھمت ھوسلہ بھادری آئی ءِ تہ ءَ ھست اَت داں گُڈّی وھد ءَ گو دژمن ءَ جنگ کنت ءُ شھید بیت-
کِنگ جان ترا سھریں سلام ترا سنگت مدام یات کن اَنت شُور ءِ دلبند ترا مدام یات کنت نوشکی ترا سھریں سلام پیش کنت تو مدام زندگ ئے زمین ءِ بَچ-
دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی ءِ درشانی انت-