کیچ : پاکستانی پوج ءِ تیرگواری ءَ چہ یک مردمے بیران

بلوچستان ءِ دمگ بلیدہ ءَ پاکستانی پوج ءِ تیرگواری ءَ چہ یک مردمے بیران بیتگ –

دمگی اِھوالکار ءِ رِد ءَ وئیل بلیدہ ءِ دمگ گلی ءَ بیتگ کہ اود ءَ پوج ءَ یک ورنایے ءِ سر ءَ تیرگواری کتگ-

بیران بیتگیں مردم ءِ پجّار بوھیر ء دلجان نام ءَ چہ بیتگ-

چمّگدانی گوشگ اِنت کہ ورنا وتی ڈگاراں چہ واتر آیگ ءَ بیتگ کہ پوج ءَ آئی ءِ سر ءَ تیرگواری کتگ، چریشی ءِ آسر ءَ آ ھما دمان ءَ بیران بیتگ- پد ءَ لاش وئیلجاہ ءَ چہ یل داتگ-