بلوچ یکجھتی کمیٹی ءِ رھشون سمی دین بلوچ ءَ اسلام آباد ءِ زھرشانی ءِ نندانک ءَ رسانکدر ءِ نمائندگاں گوں گپ ءُ تران کنان ءَ گْوشتگ کہ بلوچ ءِ ھک ءِ گپ جنوکاں مین اسٹریم میڈیا ءَ جاگہ نہ رس اِیت، بلوچستان ءِ راج ءِ ھک ءِ جھد ءَ را جھیڑوی جوڑ کنگ ءِ کوشست کنگ بیگ ءَ انت – اے زرمبشت ءَ سلاہ بنداں گوں جوڑینگ ءِ جھد ءَ انت-
آئی ءَ گوشتگ کہ بی وائی سی ءُ اے زرمبشت ءِ سر ءَ درملکی پراکسی ءُ ناشرکاری ءِ لیبل جنگ بوتگ، البت مارا انسانی ھکانی میان اَستمانی گل ءِ نیمگ ءَ چہ سک باز مزنیں تکے ءَ کمک ھست انت۔
سمی دین ءَ یک جستے ءِ پسہ ءَ گشتگ کہ امریکا ءِ وڑیں ملک ایوک ءَ تاکت چار اَنت، آ جما مردم ءِ نیمگ ءَ اَنت کہ آئی ءِ تاکت گیشتر اِنت۔ آ کدی یک نیمگی ءَ نہ بنت، آ مدام تاکت ءَ چار اَنت کہ تاکت کجام نیمگ ءَ اِنت۔
آئی ءَ گوشتگ کہ مرچی پاکستان ءِ ریاست یک تاکتے، پمیشکا آئی ءِ نیمگ ءَ انت، باندا اگاں بلوچ تاکتے جوڑ بیت گڑا امریکہ بلوچ ءِ ھمراھی ءَ اوشتیت-