تربت: سرکاری پلامرزی ءِ ٹولی ءَ یک لوگے ءِ سر ءَ بمبے چگل داتگ، دو زالبول ٹپی

بلوچستان ءِ دمگ کیچ ءِ بنجاھی شھر تربت آپسر بلوچی بازار ءَ ناشناسیں مردماں خداد نامیں مردے ءِ لوگ ءَ دزبمبے چگل داتگ کہ چریشی ءَ چہ دو زالبول ٹپی بیتگ انت-

اھوالانی رد ءَ گوستگیں شپ ءِ ساھت یازدہ ءَ تربت آپسر بلوچی بازار ءَ یک لوگے ءَ سرکاری پلامرزی ءِ ٹولی کہ آئی ءَ لس نام ءَ “ ڈیتھ اسکواڈ ” ءِ نام ءَ زانگ بیت انت بمبے چگل داتگ ءُ چریشی ءَ دو زالبول سک ٹپی بیتگ انت-

اھوالانی رد ءَ ویل گوستگیں شپ ءِ ساھت یازدہ ءَ پیش اتکگ کہ اود ءَ خداد ءِ لوگ ءِ سر ءَ دزبمبے چگل دیگ بیتگ-

زانگ بہ بیت ڈیتھ اسکواڈ بلوچستان ءَ سیاسی باسکانی آوار جنگ ءُ کوشکاری ءَ ھوار اود ءَ لوگانی سر ءَ نشانگ کنگ ءَ ھوار انت- گوستگیں روچاں تمپ میر آباد ءَ ھم یک لوگے ءِ سر ءَ دزبمبے چگل دیگ بیتگ ات کہ اود ءَ تاوانانی ھال نہ بیتگ ات-