پورسز ءِ سر ءَ اُرشاں پد پاکستانی پورسز ءَ گوں دمگی ڈیتھ اسکواڈانی ھمراھی ءُ اُرشکارانی انگیر کنگ ءِ جھد کتگ-
ھالانی رد ءَ بلوچستان ءِ دمگ آواران ھند گیشکور ءَ پاکستانی پوجی بنجل ءُ پوسٹ ءِ سر ءَ سلاہ بندیں مردماں گوں مزنیں سلاھاں اُرش کتگ۔
ھالانی رد ءَ اُرش ءَ پد پاکستانی لشکر ءُ دمگی سرکار ءِ پلامرزی ءَ ھستیں “ڈیتھ اسکواڈ ” ءَ اُرشکارانی انگیر کنگ ءِ جھد کتگ ءُ ایشی ءِ آسر ءَ لشکر ءُ آھانی ھمراھانی نیام ءَ گوں سلاہ بندیں مردماں جنگ ءُ چوپ بوتگ۔
جنگ ءُ چوپ ءَ پاکستانی پوج ءُ آئی ءِ ھمکارانی جانی تاوانانی ھال انت ءُ سلاہ بنداں پشت مانداتگ ءُ شتگ انت-
زانگ بہ بیت کہ بلوچ آجوئی ءِ سلاہ بندیں گل اے دمگ ءَ پرکار اَنت ءُ آھاں گوستگیں وھداں ھم اے وڑیں اُرش کتگ اَنت، بلے مروچیگیں اُرش ءِ زمہ واری انگت ءَ ھچ گل ءَ نہ زرتگ۔