اسلام آباد ءَ بلوچ کھولانی زھرشانی نندانک 24 می روچ ءَ برجاہ، ریاستی رویشانی سر ءَ زھر ءِ درشان

اسلام آباد ءَ زورانسری بیگواھیانی ھلاسی، بیگواھیں مردمانی یل دیگ ءُ بلوچ یکجھتی کمیٹی ءِ رھشونانی یل کنگ ءِ لوٹ ءَ سر ءَ بلوچ کھولانی زھرشانی پنچشمبے ءَ بیست ءُ چارُمی روچ ءَ برجاہ-

زھرشانی کنوکیں مردمانی تہ ءَ بیگواھیں مردمانی کھول ءُ دگہ مردم ھوار اَنت کہ آ یکشلیں ریاستی بے وسی، پولیس ءِ رکاوٹ ءُ ترس ءُ پاتراپانی دیمپان انت-

زھرشانی کنوکاں گْوشتگ کہ نہ ایوک ءَ پرایمنیں زھرشانی ءَ دارگ بیتگ انت بلکیں جاگہ جاگہ ءَ پولیس ءِ ناکہ، چارکاری، نسلی چپکاری رویش ءُ پاتراپانی دیمپان انت-

بلوچ کھولانی گوشگ انت 24 روچاں چہ آھانی ایمنی کیمپ باز رند ءَ ھما مردمانی نشانگ جوڑ کنگ بیتگ کہ آ زھرشانی کنوکیں مردمانی ھوسلگ ءِ پروش ءِ آماچ کت بہ کنت – بلے سرکاری تکاں داں انگت ءَ نا لوٹاں گوشدارگ ءَ انت ءُ نا کہ دگہ کجام ھم گامگیج زورگ بیتگ انت-

آھاں گْوشتگ کہ شُما مرچی مئے پرامنیں تواراں نادلگوش کُت کن اِت، بلے ما ھاموش نہ بہ ایں، ما برزیں توار ءَ گپ جن ایں شمئے بے تواری ناممکن بہ بیت انت-

کھولانی گوشتگ ما کسّہ جوڑ کنگ ءَ نہ ایں، اے مئے زندمان ءِ راستی اِنت، ما دانکہ انساپ ءِ رسگ ءَ داں ھاموش نہ بہ ایں۔

زھرشانی کنوکاں اھوالکار ءُ انسانی ھکانی گلاں گوں دزبندی کتگ کہ بلوچ کھولانی توار بہ بنت ءُ ریاستی زُلم ءِ ھلاپ ءَ وتی کرد ءَ پیلو بہ کن اَنت۔