بلوچستان ءِ دمگ چہ ھرنائی ءَ پاکستانی پوج ءَ راز محمد مری ء شاہ میر مری کہ بولان ءِ دمگ جالڑی ءِ جھمنند اِنت شش اگست دوھزار بیست پنچ ءَ چہ ھرنائی ءَ زورانسری آوار جنی ءِ نشانگ کنگ بیتگ ءُ تنی وھدے آئی ءِ درگت ءَ ھچ وڑیں ھال نیست-
کھول ءِ رِد ءَ راز محمد مری وتی زاتی کارے ءِ واستا ھرنائی ءَ شتگ بیتگ، اود ءَ آ زورانسری بیگواہ کنگ بیتگ-
زانگ بہ بیت کہ بلوچستان ءَ زورانسری آوار جنی ءِ جیڑہ یک نوکیں گپے نہ اِنت، انسانی ھکانی کارکنان ءُ گل سالانی سال اے وئیلانی گر ءُ دار ءِ ھاتر ءَ توار چست کنگ ءَ اَنت بلے تنی وھدے ھچ وڑیں شری دیم ءَ نیتکگ-
دومی نیمگ ءَ چہ تربت ءَ لھتے ماہ ءَ ساری پاکستانی پوج ءِ دست ءَ زورانسری آوار جنی ءِ نشانگ بیتگیں نعمان ء رفیق آجو بیتگ ءُ وتی لوگ ءَ سر بیتگ-