خیبر پختونخوا ءِ دمگ کرک ءَ گرگری ءَ آئل فیلڈ ءَ نگھپانی ءَ جاڑیگیں ایف سی ءِ کارندھانی سر ءَ جنگولانی اُرش ءَ سئے کارندہ ءُ آھانی ڈرائیور بیران بوتگ۔
پولیس ءِ رد ءَ ایف سی ءِ کارندہ گرگری ءَ چہ ویگو ڈالہ گاڑی ءَ درکپتگ انے کہ راہ ءَ کوہ ءِ سر ءَ سلاہ بندیں مردماں آھانی سر ءَ اُرش کتگ ۔
پولیس ءِ بنشون ءَ گشتگ کہ ایف سی ءِ کارندہ کرک ءَ آئل فیلڈ ءَ ڈیوٹی ءَ بوتگ انت۔
ویل ءَ پد سیکورٹی پورسز ءُ پولیس ءَ دمگ ءِ انگیر کتگ ءُ پٹ ءُ پولی کارروائی بندات کتگ انت۔
انگت ءَ ھچ گل ءَ اے اُرش ءِ زمہ واری نہ زرتگ۔