کیچ : ڈیتھ اسکواڈ ءَ کماشیں جنگیان بلوچ ءِ لوگ سر ءَ دستی بمباں چہ اُرش کتگ

کیچ ءِ تھسیل تمپ ءِ دمگ تلکان ءَ گوستگیں شپ ءَ ریاستی چیردستی ءَ پُرکار سلاہ بندیں ڈیتھ اسکواڈ ءَ جنگیان بلوچ ءِ لوگ ءِ سر ءَ دستی بمباں چہ اُرش کتگ-

دمگی اِھوالکار ءِ رِد ءَ اے اُرش شپ ءَ کنگ بیتگ، بلے جانی تاوان ءِ ھال سر نہ بیتگ-

زانگ بہ بیت کہ جنگیان بلوچ ءِ لوگ ءِ سر ءَ اشی ءَ ساری ھم بازیں رند ءَ اُرش کنگ بیتگ، آئی ءِ بھتام پاکستانی پوج ءِ چیردستی ءَ کارکنوکیں ڈیتھ اسکواڈ ءِ ٹولی ءِ سر کنگ بیت-

بلوچستان ءَ ڈیتھ اسکواڈ ءُ ریاستی ادارھانی سر ءَ انسانی ھکانی سنگین ءِ ھلاپ ورزیانی بھتام جنگ بیت، آیانی تہ ءَ زورانسری آوار جنی، درکانودی کوش، ءَ لس شھریاں نشانگ کنگ ھوار اِنت-