بلوچستان ءِ دمگ پنجگور ءِ ھند چہ پروم ءَ یک کوھنیں ٹپ ءُ ٹوریں لاشے دزکپتگ کہ آئی ءِ پجار عنایت اللہ ء خیر مھمد ءِ نام ءَ زانگ بیتگ۔
عنایت اللہ گوستگیں سال ءِ دسمبر ءِ بندات ءَ گاڑی سواراں آوار جتگ آئی ءِ لوگ ءِ مردمانی گشگ ءِ رد ءَ ”ڈیتھ اسکواڈ“ ءِ کارندھاں چہ آئی ءِ لوگ ءَ آوار جتگ۔
”ڈیتھ اسکواڈ“ یک ھوانواریں ٹولی ءِ کہ بلوچستان ءَ پرکار انت کہ آئی ءَ سرکاری کمک ءَ سلاہ بندیں گلانی واستا کارمرز بیت زورانسری ءَ بیگواہ کنگ، درکانودی کوچ ءَ دزگیر کنگ ءُ نشانگ جوڑ کنگ ءِ بھتامے سر ءَ ھست انت۔ ھکومت یا لورسز اے گل ءَ سرکاری رنگ ءَ نہ منّ اَنت بلے انسانی ھکانی گل، اھوالکار ءُ سانمندیں کھولاں اے گل ءَ باز رند ءَ بازیں ویلانی زمہ وار لیک اِتگ۔
گوستگیں بازیں سالاں بلوچستان ءَ زورانسری ءَ بیگواہ کنگ، درکانودی کشتار ءُ انسانی ھکانی لگتمالی ءِ سر ءَ باز رند ءَ دمگی ءُ میان استمانی انسانی ھکانی گلاں وتی لیکہ درشان کتگ انت۔