بلوچستان ءِ دمگ کیچ ءِ ھند زمران جابشان ءَ یکشمبے ءِ روچ ءَ پاکستانی پورسز ءِ کارندہ بمب تراکے ءِ نشانگ جوڑ کنگ بوتگ اَنت کہ ایشی ءِ آسر ءَ بیران ءُ ٹپیگ ءِ ھال اِنت۔
دمگی مردمانی رد ءَ اُرش یک چیک پوسٹے ءِ نزیک ءَ بوتگ کہ کارندہ چیک پوسٹ ءِ واستا آپ برگ ءَ بوتگ اَنت۔
انگت ءَ سرکاری تَکاں بیران ءُ ٹپیگ بوتگیں کارندھانی کساسی پدر کنگ نہ بوتگ بلے دمگی مردمانی گشگ اِنت کہ کم چہ کم دو کارندہ بیران ءُ ٹپیگ بوتگ اَنت۔
بلوچستان ءَ پاکستانی لشکر ءِ سر ءَ اے وڑیں اُرش گوستگیں وھداں ھم بیتگ اَنت کہ ایشانی زمہ واریاں آجوئی دوستیں سلاھبند گل زیرگ ءَ اَنت۔ بلے انگت ءَ اے اُرش ءِ زمہ واری کس ءَ نہ زرتگ۔