بلوچستان ءِ بُنجاھی شھر شال ءِ دمگ چہ کلی قمبرانی ءَ پاکستانی پوج ءَ گوستگیں شپ ءَ یک مردمے بیگواہ کتگ-
دمگی اِھوالکار ءِ رِد ءَ، محسن شاھوانی ء دین محمد شاھوانی پاکستانی پوج ءَ آئی ءِ لوگ ءَ چہ آوار جتگ ءُ ناشناسیں جاھے ءَ برتگ-
زانگ بہ بیت کہ اے وئیل ھما وھد ءَ دیم ءَ اتکگ وھدے لھتے روچ ءَ ساری ھمے دمگ ءَ چہ کلی قمبرانی ءَ چار مردم ھمے وڑ آوار جنگ ءُ بیگواہ کنگ بیتگ اَت، آیانی تہ ءَ شیرباز بنگلزئی ء امام بنگلزئی ھم ھوار اَنت-
زانگ بہ بیت کہ بلوچستان ءَ زورانسری آوار جنی ءِ جیڑہ یک بلاھیں مدتے بیت برجاہ ءَ اِنت، ءُ انسانی ھکانی گل اشی ءِ سر ءَ یکشل ءِ تُرس درشان کنگ ءُ آیگ ءَ اَنت-