بلوچستان ءِ دمگ مستونگ ءَ سلاہ بنداں پاکستانی لشکر ءِ راشن بریں ٹرک گپتگ انت ۔
اے ویل گوستگیں روچ ءَ بوتگ۔ مستونگ ءِ دمگ اسپلنجی ءُ مَرو ءَ سلاھبنداں پاکستانی لشکر ءِ راشن ءِ باریں دو ٹرک گپتگ ءُ راشنانی ھمراھی ءَ ناشناسیں جاھے ءَ برتگ اَنت۔
ویل ءَ پد دمگ ءَ مزنیں کساسے ءَ لشکر گندگ بوتگ بلے واکداراں اے درگت ءَ دگہ اھوال دیم ءَ نیاؤرتگ انت-
گوستگیں روچ ءَ ھم مستونگ ءِ دمگ غلام پڑنژ ءَ سلاہ بندیں مردماں مادن ءِ بروکیں گاڑی نشانگ جوڑ کتگ انت۔ ایشی ءِ آسر ءَ بازیں ٹرک سک باز تاوان بوتگ اَنت ءُ ڈرائیورانی ٹپی بوھگ ءِ ھال ھم ھست۔