بلوچستان ءِ مستونگ ءَ غلام پڑنژ ءِ نزیک ءَ ناشناسیں سلاہ بندیں مردماں مڈی بروکیں ٹرکانی سر ءَ اُرش کتگ، چریشی ءِ آسر ءَ بازیں ٹرکی ءَ سک تاوان رس اِتگ وھدے کہ ڈرائیورانی ٹپی بیگ ھم ھال اِنت-
دمگی اِھوالکار ءِ رِد ءَ ، اُرش شمبے ءِ بیگاہ ءَ بیتگ، بلے تنی وھدے اُرش ءَ ٹپی بیتگیں مردمانی کچ پدر نہ بیتگ، ناسرجمیں ھالانی رِد ءَ باز ڈرائیور ءُ کلینر ٹپی بیتگ اَنت-
بلوچستان ءَ اے وڑیں اُرش یک نوکیں گپے نہ اِنت- گوستانک ءَ ھم جتاجتائیں بلوچ آجوئی لوٹوکیں گلاں اے وڑیں کاروائیانی زمہ واری منّ اِتگ اَنت بلے اے وئیل زمہ واری انگت ھچ گل ءَ نہ زرتگ-