بلوچستان ءِ بنجاھی شھر شال ءَ بلوچ یکجھتی کمیٹی ءِ سروک ڈاکٹر ماہ رنگ ءُ آئی ءِ ھمراہ انسداد ناشرکاری ءِ آمیدگس ءِ دیم ءَ پیش کنگ بوتگ انت۔
ڈاکٹر ماہ رنگ بلوچ ءُ بی وائی سی ءِ شش راھشوناں انسداد ناشرکاری جج محمد علی موبین ءِ آمید گس ءَ پیش کنگ بوتگ انت۔ پولیس ءِ لوٹ ءِ سر ءَ آمیدگس ءَ دگہ بیست روچ ءِ ریمانڈ ءِ سر ءَ ڈاکٹر ماہ رنگ بلوچ ءُ اے دگہ مردم پولیس ءِ دست ءَ داتگ انت۔
کیس گوشدارگ ءِ وھد ءَ ڈاکٹر ماہ رنگ بلوچ ءَ گوں جج ءَ را گپ ءُ تران کنان ءَ گْوشتگ کہ ریمانڈ ءِ بزانت ایش اِنت کہ تو جُست کن ئے ءُ پسّہ کن ئے بلے گْوستگیں بیست ءُ پنچ روچانی تہ ءَ تو مارا ھچ جُست نہ کُتگ۔
مزنیں کساسے ءَ مردم آمید گس ءِ دپ ءَ جم بوتگ ءُ بی وائی سی ءِ سروکی ءِ ھک ءَ اوگام اش جتگ۔
ھمے درچ ءَ بی وائی سی ءِ سروکاں گشتگ کہ راج یکجاہ بہ بیت ءُ مھکمین رنگ- ءَ جھد ءَ برجاہ بہ دار ایت۔ “جیل ءُ مشکلات مئے ایمان ءَ نزور نہ کن اَنت۔”
ڈاکٹر ماہ رنگ بلوچ ءَ دیمترا گشتگ کہ اسلام آباد مئے دہ ماتاں برداشت نہ کنت، وھدیکہ ایشانی نسل چہ اے زمین ءَ نپ چست کنگ ءَ انت۔
رھشوناں گْوشت ریاست ءِ قانون پہ بلوچ ءَ دگرے، ءُ اد ءَ جج ءُ قانون بلوچ ءِ ھلاپ ءَ کارمرد کنگ بیت۔